السلام عليكم ورحمة الله وبركاتة

شلونكم بنات شخباركم
هذا اول موضوع لي وبصراحة شكثر احب هالمنتدى احس قلوب البنات على بعضها
اعرفكم على نفسي
احب ادلع نفسى ام حور خخخخ مع انى مو متزوجة
عمري 21
يا حرام انا طالبة ومتغربة خارج بلدي

حكايتي مع رمضان انى مستأجرة مع صديقتى شقة وفرشناها احنا
بس ما خذينا لنا فرن يعني تعرفو احنا طالبات وعلى الاقل الكورس الي ورا هذا بناخذ لنا
خبركم الفرش كلفنا لان الشقة كبيرة ودلعنا روحنا وايد <<< قصة حياتها
نطبخ على غاز عادي فية ثلاث اماكن للطبخ عرفتووة؟؟ << والله خوش وصف

وانا معاها والله كنا ولا نعرف نطبخ شئ

كل وحدة تجرب في الثانية مرة وجع في البطن مرة ترجع مرة ما ينأكل الطبخ اساسا مرة مالح
الحين ابشركم صرنا طباخات ماهرات
حتى من نرجع البحرين اهلى واهلها كل يبون نطبخ خخخ
لا وابشركم صرت اعرف اسوي مجبوس وصالونة وهريس ومعكرونة وشوربات وكل شئ << بعد شنو

اية عاد عارفين اكرة شئ بالموضوع غسيل المواعين
يدي تجف والله واحس اذا احط علي قفاز ما اعرف اغسل عدل وش الحل

ايه عاد خواتى طالبتكم شسوى برمضان مع رفيجتى احنا بغربة وما عندنا فرن << ما اتخيل رمضان بدون كيك وباشميل واشياء حلوة نسويها بلفرن
لا وحلاة الجمعة برمضان والاهل والفطور والسحور واهناك ماعندي واياها الا قابليني واقابلج والله حرام

عاد طالبتكم بطلب قولو تم خخخخخخخخ

عطونى وصفات ما تحتاج لفرن وحتى حلويات عشانى ساعدونى وابي منكم وصفات حلويات تساعدنى وما تحتاج فرن

وكل وحدة تمر وترد علي الله يعطيها الي في بالها ويوفقها

اختكم
يحليلكم والله وناسه وين متغربين وعادي تجلسون لحالكم ماتخافون.<< سؤال شفاحه معليش ههههههه
والفرن والله مدري يوخيتي ان شاء الله البنات يفيدونك
جبنية ماتحتاج فرن.
مرحبا بطنى يوجعن << سلامتك من عوار البطن

في الاردن ندرس
بس العمارة الي احنا فيها للبنات بس
هذى فكرتنا انا ورفيجتى اقترحناها على صاحب العمارة
لانها كانت يديدة ولا احد تاجر فيها غيرنا واعجبتة الفكرة واجرها بس على طالبات مثلنا
<< يعني لا تخافون علي خخخخخخ

اسمحولي ترا انا ما انعطى ويه عسا ما احد يسولف وياي من الملل اقص علية قصة حياتى

مشكورة حبيبتى والله يوفقج يارب كفاية مرورج الغالي

__________

صافي الود

مشكورة حبيبتى على الاقتراح الحلو المشكلة ما اعرف شنو الطريقة ممكن اذا ما عليك امر تكتبيها لي

مشكورين بنوتات فرحتونى بردودكم

ام حوارره << كيفي احب ادلع اسم بنتى خخخخ
هاذي طريقه فته بالباذنجان ماتحاج طبعا فرن

http://http://forum.hawaaworld.com/s...570169#Scene_1

وهاذي مصقعه

http://http://forum.hawaaworld.com/s...d.php?t=696386


اقراص الدجاج بالقشطه

http://http://forum.hawaaworld.com/s...689007#Scene_1

فوتشيني بالبروكلي سهل ولذييييييييييييييييييذ

http://http://forum.hawaaworld.com/s...860709#Scene_1


فيوتشيني مع الجبن

http://forum.hawaaworld.com/showthre...800564#Scene_1

والحلوياتتتتتتتتتتتتتتت

كيكه بدون فرن !!

http://http://forum.hawaaworld.com/s...988626#Scene_1

حلى الاناناس

http://http://forum.hawaaworld.com/s...645058#Scene_1

وامري اي شي تبغينه سلطات مكرونات حلويات علميني ..............انا ماادري وش تبغين بالضبط وحطيتلك تشكيله
ربي اني مسني الضر وانت ارحم الراحمين


الساعة الآن 03:50 .