مصرقعة هانم @msrkaa_hanm

كبيرة محررات

بسرعه رجاء الكراث مع الفريزر يخرب ؟؟ عطوني الخبر اليوم ياخبيرات السنبوسه

السلام عليكم ورحمة الله وبركاته ,,

مسويه لحم مفرووم وجالسه احووس في حشوته << تو الناس :09: بس صادتني ظروووف

المهم شريت كراث وبصل اخضر لزووم الحشوه حقت السنبوسه ولما غسلت الكراث << مقهوره على الوقت اللي ضاع :icon33:

كلمتني اختي وقالت وش تسوين قلت اغسل كراث وبصل لسنبوستي ,, قالت : لاتحطينه في السنبوسه تراه يخربها وبالذات اذا بتحطينها في الفريزر :(

عطوني خبر قبل لا اخلط المكونات احط الكراث والبصل والا لا

يلزم عليك تسجيل الدخول أولًا لكتابة تعليق.

تسجيل دخول

قصيميه غير • 16 سنة

لا مايخربها ابدااااا

بس نصيحه حطيهم بعد ماتشيلين الحشوه من النار..بيصير الذ ومايروح طعمه..

مرة الدب المملوح • 16 سنة

صادقه اخيك يخرب يطلع مويه
حطي حبيحرة لاتنسين يااهل الحبيحرة تقوطرت سعابيلي
والكراث خليه لهله لعنيزة
روحي حشيه بدون كراث والبصل كويس مايخرب وان شاء الله تطلع حشوتس تهببببل

مسويه حلى ومتوهقه • 16 سنة

لا ياقلبي مايخرب اميمتي جعلها في أعلى منزله ان شاء الله تحطه والله العظيم ان كل من ذاق سنبوستها داااااااخ حتى ربع زوجي انهبلوا عليها بس مثل ماقالت قصيميه طريقه امي تحمس كل شي ماعدا الورقيات اذا بردت الحشوه مره حطتها ولفت السنبوسه وفرزنتها وعلى ظمانتي

مصرقعة هانم • 16 سنة

قصيميه غير :

لا مايخربها ابدااااا بس نصيحه حطيهم بعد ماتشيلين الحشوه من النار..بيصير الذ ومايروح طعمه..

لا مايخربها ابدااااا بس نصيحه حطيهم بعد ماتشيلين الحشوه من النار..بيصير الذ ومايروح طعمه..

الله يسعدك ياقلبي ويوفقك ويفرج عنك ما يهمك :)

والله اني شايله هم هالكراث من اليوم << مشكله قوميه :42: خخخخخخخخخخخخخ

وش عندنا هالايام الا مشاكل السنبوسه الله يتقبل منا ومنكم رمضان

وياحبي لاهل القصيم كلهم :) سنفيات

مصرقعة هانم • 16 سنة

مرة الدب المملوح :

صادقه اخيك يخرب يطلع مويه حطي حبيحرة لاتنسين يااهل الحبيحرة تقوطرت سعابيلي والكراث خليه لهله لعنيزة روحي حشيه بدون كراث والبصل كويس مايخرب وان شاء الله تطلع حشوتس تهببببل

صادقه اخيك يخرب يطلع مويه حطي حبيحرة لاتنسين يااهل الحبيحرة تقوطرت سعابيلي والكراث خليه لهله...

هلا والله ياقلبي :) اولا بهنيك بشهر رمضان << كل ما شفت اسمك ضحكت من قلب :26: الله يسعد ايامك ويوفقك ياقلبي وخلي الحبيحره لاهلها اخاف ابونا يسطحني للهند :09: فطور وحبيحره :icon33: والا يخليني افطر مع سواق هندي !!!!!!!!!

والله يوفقك ياقلبي ويسعدك دنيا وآخره