السلام عليكم 0000اشلونكم عزيزاتي ومبارك عليكم الشهر 000
عندي لكم طريقة لازانيا لذيذذذذذذذذذذذذذذذذذذذذه حتى مينني عليها وكل ساعه قال لي سويها واذا احد بييه قال سويها يبي يستعرض الشيخ على حسابي وعلشان ينفخني يقول والله انها أحلى من بيتزا هت وبيتزا إن
المهم خلونا من الهذره واخذوا مقاديرها طبعا المقادير حسب عدد الاشخاص وحجم الصينيه انه حق صينيتي استخدم( 14شريحه + 1صحن لحم مفروم غنم )
يغسل اللحم ويصفى ويوضع على النارحتى تقل كمية الماي واضيف له حوالي 2بصل متوسط مفروم +2فص ثوم مدقوق+ويحرك بعدين اضيف البهارات فلفل اسود +سنوت وجلجلان+2مكعب ماجي +كركم+بابريكا +وطماطم مطحون مع بصل هاذي انه مسويته وحافظته في الفريزر حق العصاج والمحاشي وموفر علي المجهود +1فلفل بارد مقطع صغير+مشروم مقطع+ 1حبة طماطم مربعات صغيره+ وسر النكهه على قولت الأخت كريكره 2م0ط سكر+2م0ط صلصل وتقلبينه وتعدلين الطعم وتخلينه يتسبك0
-في جدر كبير تطبخين ماي وزيت لحد مايغلي وتضيفين اللازانيا حبه وبعد دقيقه الحبه الثانيه وهكذا حتى ماتلزق ولي استوت طلعيها وحطيها على مشخال العيش يعني كنج يافتها هاذي الطريقه كانت حاطتها وحده من الخوات وانه وايد استفدت منها 0
-الحين سوي البشاميل انه استخدم كنور فاكه عمري من عوار الراس بس حق اللازانيا اسويه ثقيل يعني الكيس +2كوب حليب اخلطه وارفعه على النار لي يغلظ00
-سوي خلطه عباره عن 1قيمر كويتي+1\2كيس جبن مازرولا اللي تحب تضاعف الكميه00
-الحين ابتدي الشغل ييبي بايركسج وحطي في قاعها كميه بسيطه لحم وبعدين لازانيا وبعدين طبقة جبن وبعدين لازانيا وطبقة لحم وهكذا بالتناوب لين ينتهي المقدار وآخر طبقه طبعا بشاميل ورشي على الوجه جبن مازرولا ودخليها الفرن مغطيه بقصديرشغلي الفرن من تحت وبعدين فوق ولي جهزت لاتتقطعينها مباشره خليها تفتر شوي علشان ماتنتف لج0000وبالعافيه وجربوها وقولوا لي رايكم واللي تعجبها تدعي لعيالي وريلي ولي0000
29-08-1428 هـ, 09:00 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بارك الله فيكي
انا من زمان ادور عل طريقة اللزانيا
ولكن لدي بعض الاسئلة:
اولا: لماذا تضعين السكر؟ مش رح تطلع حلوة؟
ثانيا:ما هو القيمر وما هو الصلصل وقديش تقريبا تحتاج وقت للسلق لاني مرة جربتها وتقطعت معي في السلق
ثالثا:انت قلتي اضع الاولى وبعد دقيقة الثانية للسلق طيب ما بنسلق هيك شي اكثر من شي
رابعا:كيف بتشويها يعني بتشيلي السلفر وقديش بتحطيها في الطبقة العلوية
انا اسفة اثقلت عليكي في الاسئلة ولكن انا عندي كمية لزانيا وحابة اسويها ومش حابة تخرب معي لانه احنا رمضان بتعرفي الناس بكونوا صايمين وحابين اكلة زاكية
وجزاك الله خيرا
29-08-1428 هـ, 10:05 صباحاً
 
مشكورة وماقصرتي يالغالية

شكلها لذيذة وطعمها وايد حلو

باجربها اليوم

والله يخلي عيالج ويوفقهم ويصلحهم ويسخرلج ريلج ويسخرج حق ريلج آميييين

وكل عام وانت بخير

ومبارك عليكم الشهر

***************


لكم تحياتي
29-08-1428 هـ, 10:13 صباحاً
 
يعطيك العافية أختي أم الشيخ ..

أنا بالنسبة لي أضع مع اللحم والفطر شرائح من الجزر أيضا
والكوسا فهي تضيف لها نهكة لذيذة وفائدة

وبعدين أستخدم اللازانيا التي لا تحتاج إلى سلق
لأن سلق اللزانيا متعب وفي كثير من الأحيان تتقطع اللزانيا وتخترب

هناك في الأسواق نوعين نوع مكتوب عليه ( بدون طبخ ) ونوع عادي يطبخ يعني يُسلق


كل الشكر للجميع
29-08-1428 هـ, 10:15 صباحاً
 
رووعة مشكوره ويسلمو الايادي
29-08-1428 هـ, 10:41 صباحاً
 


الساعة الآن 11:17 .