السلام عليكم ورحمة الله وبركاته
مبارك عليـــــــــــــكم الشهر جميعاً
الله يوفقكم يارب عطوني رايكم عندي الليوم عزيمة رجال على السحور
واللي مقلقني هو عددالأصناف لكن الحلى خلصت منه

طبعاً هذا راي زوجي الله يحفظه يقول يكفي مممممممممممممممممممممم مادري اما محتارة
مالكم بالطويله راح اقولكم وش راح اسوي بس ابغى رايكم او اقترحو علي وش ازود

راح اسوي 2 طبق رئيسي
1- رز بخاري مع صينية لحم مع خضار بالفرن
2- جريـــــــــــــــــش

وزوجي يبغى سلطات معينة
1- سلطة خيار باللبن
2- سلطة الدقوس الحــــــــــــــــارة

و2 حلى
1-حلى التراميسو
2-حلى الأنانـــــــــــــــاس

وبس

وش رايكم بالله عليكم قولو ولأنة يقول انهم كلهم شباب والشباب يحبون يركزون على نوع معين وانا الصراحه مو مقتنعه احس ودي بمقبلات لكن ممممممممممممممم مادري وش رايكم ؟

بانتظاركـــــــــم الله يوفقكم
29-08-1428 هـ, 04:24 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
يكفي يالغاليه كثييييييييييير بعد
ترى السحور زينته خفيف عشان يقدر الواحد يناااااااااام
ومن رايي احذفي الجريش يكفي الرز والخضار واللحم
على العموم انتي أدرى بضيوفك
ياليت تصورين سحورك وتورينا
29-08-1428 هـ, 04:37 مساءً
 
ماشاء الله كذا حلو بالعكس لا تتعبين نفسك اكثر من كذا
ترى الرجال يضيعيون في السفرة المليانة وماياخذون كفايتهم
من الاكل بالشكل المطلوب اهم شيء تكون الاصناف حلوة وتكفيهم
والله يكتب لك الأجر يارب ,,,,
29-08-1428 هـ, 05:03 مساءً
 
خير وبركه اهم شئ التنسيق والنكهه
29-08-1428 هـ, 05:03 مساءً
 
ماقصرتي بس لاتنسين العصاير الطبيعيه
29-08-1428 هـ, 05:10 مساءً
 


الساعة الآن 10:22 .