مرحبا بنات كل عام وانتم بصحه وسلامه
ورمضان كريم

انا يابنات قصتي قصه تخرجت من الثانوي بنسبة لابأس بها 83وفرحت فيها لاني بسجل بالكلية وفعلا سجلت بالكليه ودرست ترم وفي اجازة الترمين انخطبت وملكت على وسارت الامور ورجعت الترم الثاني للكليه لكن قلبي لم يكن مع الدراسه بل مع الحياة الزوجيه الجديده وهم المسؤليه وووو
مثل مانتوا عارفين اي وحده تنخطب و تشيل الهم..........

بعدكذا قعدت فترة اطنش واغيب ولا احضر المحاضرات تدرووووووووووون ليش لاني بالرياض وبتزوج وبعيش بالشرقيه يعني بنقل من كليتي ويروح للجبيل وانا ضيع سنه عالفاضي ولان التخصص مو موجود بكلية الجبيل يعني بدرس اولى من جديد الى ان اتت الامتحانات وسحبت ملفي لاني ماراح افلح بالامتحان وانا ماقد حضرت المحاضرات وفعلا جا الصيف وتزوجت
وكان مابقى عالمدارس السنه الجديده الا اسبوعين وانا ماقدمت في اي مكان ولا اني مستعده لاي شي ففكرت اجلس السنه هذي ببيتي مع زوجي
والجوهناك بالنسبه لي جديد بيت وزوج وطبخ وتنظيف فرق 180 درجه عن بيت اهلي

واتفقت مع زوجي اني مع اجازة الصيف ابدا ادرس القسم اللي انا احبه وماقبلوني فيه بالرياض يمكن يكون لي نصيب هنا ويقبلوني
وفعلا رحت وسجلت وانتظرت الاسماء لحد ماتنزل للمقبولات ذيك الفترة حملت ولما رحت للكليه قالوا لي قبلوني انتساب انجليزي وادرس سنه اذا نجحت بينقلوني رياض اطفال لانه القسم اللي احبه مووووت ويكون انتظام وانتظرت حتى تبدأ الدراسه وانا افكر بعدها قررت انا لا اوافق لاني بضيع ثاني سنه من دراستي وتكون مجرد دراسه عالفاضي علشان اوصل للي ابيه وغير كذا الحمل تعبت منه وحام والتهاب الكلى
وتنويم والحمدلله على كل حال
والحمد لله ولدت وبدت فكرت الدراسه ترجع لي وقررت ادخل معهد النيوهرايزن حاسب او دورة تجميل
ولكن اتى الرفض بسبب الطفله وماعندي شغاله ودوام زوجي شفتات مرة ليل ومرة نهار وانقهرت مرة
واللحين كبرت بنتي عمرها3 سنوات وعندي شغاله

وعاد التفكير الى الانشغال لاني مليييييييييييييييييت من البيت ابي اي شي اسويه
من تقدر تدلني
ابي اشغل نفسي بشي وظيفه في شركة او في مدرسه مشرفة (حظور وغياب )لاني اعرف وحده بعد الثانوي توضفت كذا أو جمعية خيريه .........
اي شي أه مناي افتح مشغل لاني اموت عالتجميل بس الضروف ماسمحت لي فاللي تعرف لي اي شي اقدر اضيع وقتي فيه وانشغل تساعدني ولها الأجر مومحتاجه للماده والحمد لله لكن لمضيعة الوقت واستغلال الفراغ الكبييييييييييير اللي اشعر فيه
على فكرة فكرت ادرس بس تاريخ تخرجي تعدا شروط القبول بالكليات لذلك الخيرة فيما اختار الله
ولكم مني خالص الدعاء في هذا الشهر الكريم
29-08-1428 هـ, 11:30 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
ولارد ولارفع ولا شي طيب
الله يوفقك ماتطلع منكم في رمضان الله يكتب لك الي فيه خير ماتطلع اله يسامحكم
02-09-1428 هـ, 12:50 صباحاً
 
الله يوفقك ان شاء الله
02-09-1428 هـ, 01:10 صباحاً
 
الله يوفقك ان شاءالله
شوفي لك دوره ICDL مره مرغوبه ..
وقدمي عالمدارس الخاصه (ناسخه مثلا) ممممم وشوفي الجمعيات والمعاهد
والله يوفقك
02-09-1428 هـ, 01:17 صباحاً
 
والله حاسه في معاناتك

شوفي هذا الموقع مرررررره كويس حطي مؤهلاتك فيه بتعبئة النموذج وراح يدورون لك وظيفه مناسبه ويرجعون يدقون عليك ..

ولا تخافين الموقع ثقه ومضمون ومن تجربه شخصية ..

http://www.womanish.net/Jobseekers_ar.htm

دعواتك ياغلا
02-09-1428 هـ, 03:19 صباحاً
 


الساعة الآن 07:24 .