عزيزتي اللي عملتيه شي مو زين حق واحدة توها والدة


لازم تتغذين عدل لأنه في رقبتج رضيع لازم تعتنين فيه مثل ما تعتنين بنفسج


واللي صار عندج ردة فعل طبيعية لأن الجسم صار عنده مثل الحرب يبي يدافع عن نفسه

فالأفضل انج تاكلين كل ما هو مفيد من لحوم ونشويات وخضار وفاكهة وألبان وأجبان

وحاسبي من الدهون والأغذية اللي ما منها فايدة والمضرة

والأفضل تراجعين أخصائية تغذية وبإذن الله تخسرين الزيادة من الوزن بدون ما تضرين نفسج أو وليدج



مودتي :26:

السلام عليكم ورحمة الله وبركاته

عزيزتي ...

ترا الي تسوينه في نفسج غلط .. وانتي تتعبين نفسج وتحرمينها بدون نتيجه ...

انا ترا كنت مثلج ... بعد ولادتي كان عندي زياده وزن 20 كيلو ...

بس ما سويت جذي ... مشيت على اكل صحي ورياضه ... والحمدلله لقيت نتيجه حلوه بس مب على طول ... لقيت النتيجه بعد 9 شهور ....

واذا كنتي ترضعين ... بهالطريقه بينشف الحليب وحرام مابتقدرين ترضعين البيبي

والشي الثاني

ترا انا قريت وايد ... وسمعت من وايد بنات ان اذا حرمتي نفسج وايد جسمج يتعود على الاكل القليل ومايحرق الدهون ...

مثلا كانت معانا في المسابقه اخت اتبعت ريجيم التمر واللبن لمده 3 ايام ... وكانت تاكل بدل 21 تمره ... بس سبع تمرات وكاس لبن ... وتدرين شنو النتيجه .. كانت النتيجه عكسيه ... زاد وزنها بدل ما يتقص ..

وبعدين لما ارجعت للتخفيف والاكل الصحي ... جسمها نزل ما شاء الله

واذا حابه تاخذين معلومات اكثر ... اسئلي وحده من اخصائيات المنتدى وان شاء الله بيفيدونج

حبيبتي انا سويت رجيم مثلك
بس سويت لمدة اسبوعين تخيلي مويه + عصيرات
تخيلي بس نزلت كيلو
وهذا اصلاً خطأأأأأأأأأ اصلا ماراح جسمك يحرق وبيتعود على قل الاكل

فنصيحتي لك شوفي لك اخصائية تغذية وتعطيك برنامج فيه 3 وجبات صحية ومافيه حرمان
الغرض من الرجيم مش الحرمان مثل مانحن نعمل لا الغرض من الرجيم تنظيم الاكل والابتعاد عن الاكل الغير صحي واتباع اكل صحي
وترى الرجيم مايبان في يوم ولا اسبوع ولا شهر يبي لك تستمرين واهم شي تلعبين رياضه ولو تمشين نص ساعه في اليوم وبإذن الله بتحفين
بالتوفيق

صح وممكن بعد سنه

انت رضعت ولا لأ لان ممكن يكون عندك احتباس سوائل

حبيبتي انت ما قلتيلنا اديش صرلك ولدانة .........
لانو انا ما بلش وزني ينزل الا بعد الولادة بثلاث اشهر مع اني بعد الولادة مباشرة بدات بالتخفيف ووجبت العشا خليتها الساعة 6 واحيانا 7 بالكتيير واذا جعت قبل مانام باكل زبادي او فاكهة واحدة من شان الرضاعة وكنت اكل رز وخبز مرة او مرتين بالاسبوع وكمية قليلة ومع ذلك ماكان ينزل وزني ولا كيلو بس الحمد لله ضليت مستمرة وبعد 3 شهور صار ينزل وزني ما شاء الله كل اسبوع 2كيلو(مع الرياضة ) وبعدين صار كل اسبوع كيلو وبعدين نصف كيلو وهلق اللي يومين على رجيم التمر والحليب والحمد لله نزلت كيلو مع اني ما بفضل هالريجيمات وانا مع التخفيف والاكل الصحي بس من شان جسمي ما يتعود عالتخفيف قلت بعمل يومين تمر وحليب وبعدين برجع خفف مرة تانية ........بعد الولادة كان وزني 86 وهلق وبفضل الله صرلي 6شهور ولدانة صار وزني ماشاء الله 72 ...يعني ياقيلي 2 كيلو لوصل لهدفي ياذن الله.........
وان شاء الله تستفيدي من تجربتي وننحف بصحة وعافية .......