ابي طريقة شوربة مضبوطه

حبيبتي بالنسبه لطريقتي : احمس بصل لين يصفر واضيف له الطاطم واتركه خمس دقايق بعدين احطه في كاس الخلاط مع الكويكر وملح وبهارات وماء واخلطه واسكبه في القدر واتركه يطبخ وبعد ماغلي بعشر دقايق اقصر عليه واضيف فلفل حار وقبل لااطفيه بخمس دقايق اضيف فلفل رومي وبالعافيه

انا كنت زيك مااعرف اضبطه بس بعدين تعلمت وهذي طريقتي

احمس البصل واضيف له قطع لحم او دجاج واخليه يطبخ بعدين اسلق بقدر ثاني خضار(انا اسلق كوسا وجزر بطاطس وقرع طبعا كمية بسيطه)واذا استوت اخلطهم بالخلاط واذا استوت اللحمه اضيف الخضار اللي بالخلاط واخلط كمان طماطه وحده وكمان اصبها بالقدر واضيف ملعقتين اكل كويكر واخليهم يطبخوا لمدة ثلث ساعه بعدين اقصر عليها النار ليما اقدمها ..

تبين شوربة كويكر زينه وخفيفه وسهله ولذيييييييييذه
حطي بقدر تقريباً 4 كاسات مويه
وحطي عليها ملعقتين ممسوحه صلصه
و4 حبات ماجي وحبة ليمون أسود مخرمه من الأربع جهات عشان يدخلها المرق وتطلع طعم للشوربة
ولعي عليها ... واذا غلت
حطي بزبديه تقريباً كاسة مويه واضيفي لها 6 ملاعق مليانه من الكويكر
وصبيها على القدر وحركيها حتى تغلي
بعدين وطي النار وخليها نصف ساعة

وذوقي الطعم ........ رهيييييييييييب مع طعم الماجي وحموضة الليمون الأسود
وبالعافية عليكم

وفيه طريقة ثانية (بالخضار)
حبتين كوسه
حبة بطاطس متوسطة
راس بصل متوسط
حبة جزر
ابشريها كلها مع بعض
بعدين حطيها بقدر وصبي فوقها 4 حبات ماجي و4 كاسات مويه وخليها تغلي
بعدين خذي كاس حطي نصفه مويه وحلي فيه ملعقتين حليب نيدو وملعقتين كويكر
واضيفيها للخضار وحركيها حتى تغلي
بعدي أفرمي شوي كسبره تقريباً ملعقتين وحطيها فوق الشوربه وخليها عشر دقايق
وبالهناء والعافيه

شوربة العدس

1- كوب عدس اصفر

2-بطاطا حجم صغير

3- بصلة صغيرة

4-مكعب ماجي وملح وفلفل اسور رشه حسب الرغبه


حطي المقادير مع بعض مع 4 اكواب ماء وخليها تغلي لين يستوي العدس كويس بعدين سيبيها تبرد شوي وحطيها في الخلاط ورجعيها للقدر تغلي دقيقتن بعدين قدميه روعه وممكن تجلس عندك يومين او 3 بالثلاجه بس انا افضلها طازجه اتمنى اكون افدتك