اولا السلام عليكم ورحمة الله وبركاته..
انا اعتبر مبتدئه بالطبخ خصوصا بالفطاير وعجاينها

فالرجاء المساعده من ذوات الخبره

باسم الله نبدأ

اولا كل ما خذت طريقة عجينه من اي احد تكون تجنن وكانها قطن من ليونتها
اذا سويتها تطلع ناشفه شوي ما ادري وين الغلط الي اسويه الظاهر العجينه ماش مب مره<<< لزقتها بالعجنيه (تتوقعون من الطحين؟ انتم تستخدمون طحين كويتي او العادي)
انا ملاحظه ان اغلب العجاين ما فيها بيض ليش؟

ثانيا السبرنغ رول ما ادري وش سالفته ذا طلع معصقل وطويل كانه مسواك لا وبعد من وساعة الوجه شارب زيت الين ما قال امين

ثالثا انا فرني ما فيه درجات حراره يعني ما فيه 180 او 150 او 200
لا فيه ارقام يعني الدرجات عندي ارقام من 1 الى 10 فكيف اعرف مثلا 180 = اي رقم
الغالب انا احطه على 3 بس اخاف عشان كذا تطلع الفطاير ناشفه يمكن هذا الرقم حرارته شويه عشان كذا ينشفها على بال ماتستوي

ودي القى منكم مساعده لاني صراحه اتفشل كل مارحت عند اهلي المعجنات الي اسويها ما تضبط ولا اخذها معي الغالب اجيب جاهز حتى عند حمولتي انقهر اذا شفت كل وحده منهم معها فطاير روووووووعه وانا الي معي جاهز ودي اروح مرفوعة الراس بطبخي واشوف كل الناس يسالوني عن الطريقه
مشكورين مقدما وجزى الله خير كل وحده تساعدني وان شاء الله بدعي لها دعوه من كل قلبي

وعليكم السلام ورحمة الله وبركاتة
هلا اختي000 مشكلتك هذي كنت اعاني منها اول ما تزوجت لاني ما كنت اعجن فطاااير قبل لاتزوج امي تجهزها
وانا بس افرد واحشيهااااااااا اا
وتورطت لما تزوجت ماتضبط لي مثل ما قلتي ناااااااااااااش فه كنها حطب ولا تنتفش مهما نفذت المقاديرر

لكن خلاص وبعد 5 سنوات خبره مابين فطاير مخشبه واكتئاب
عرفت السبب
1-الزيت00 لا تكثرين بالملعقه يا 3 او 4ملاعق كبيره يعني يادوب اللي يخلي العجينه طريه مو مدهنه وما تنفش معك00 حتي لما تكثري زيت يبين معك مزيته العجينه بزياده وتلصق بيدك ما تفك-لا تفتكرينها دعاية برينقز لما تفك ما حتصك0ههههههه
2- الخميره 00حطي نوعين خميره ملعقه من الفوريه وملعقه من البكنج بودر تبع الكيك عشان تكون النفشه مضاعفه
3-بعد ما تخمر وتسوين الحبات لا تدخلينها الفرن بسرعه لا00لا
غطي عليها بمنشفه او سفره مثلي وشغلي الفرن حقك لازم يسخن الفرن يعني حوالي 00ربع ساعه0
راح تلاحظين حبات الفطاير انتفخت 00هذا السررررررررررر
بعدين ادهنيها بالبيض ورشي عليها حبه البركه للتزين ودخليها الفرن ههاااه لا تحترق
عشر دقايق وارفعي حبه شوفي لها من تحت اذا ذهبيه خلاااااااااص اقفلي من تحت وشغلي من فوق
لانها بتحمر بزياده مع التحمير من فوق
وانتبهي لها من فوق لا لا تروحين عنها اصبري شوي عااد حللي تعبك
ويادوب تصير ذهبيه بلمعه او اللون اللي تحبين 00 بس ترى كل ما طولت في التحمير تيبس تتحطب ونرجع للماساة
بعدين واخيراااااااااا اااا والمهم00 والسررر الثاني00هو
طلعيها من الفرن وغطي عليها بمنشفه 00لازم00 لازم تغطين وبمنشفه تخليه طريه تجنن
وادلعي فيها بكيفك بس ارسلي لي صحن اشوف كيف صارت
واما السبغ رول00-
1 خليها على شكل معين ثم احشيها وكثري الحشوه خلي البخل ههههه0 امزح 0 عشان تكبر اللفه
ولفيها من فوق ثم اليمين ولا تشدين عليها واليسار00وابرميه ا تصير ع شكل اسطوانه ولصقيها بزلال البيض تثبت لك 00واقليها في زيت حاار مو دافي تشرب كل الزيت والله تصير تجنن
دعواتك لي كل ما ضبطت معاك وبشريني بالله اذا ضبطت ع الخااص 00والله ذكرتيني بنفسي واذا تبي شي انا حاااااااااااااا اااضره
لحديث (ان الله في عون العبد ما دام العبد في عون اخيه)
UP
" سبحان الله والحمد لله ولا إله إلا الله ولا حول ولا قوة إلا بالله والله أكبر "
السلام عليكم

حبيبتي الفرن لازم يصير حار وحرارة فوق المتوسط قبل ماتدخلين الفطاير وما اعرف لطريقة الأرقام اللي بفرنك

لكن أتوقع إنها حرارة منخفضة حاولي تحطينها على خمسة واستفيدي من تجربة فراولة

وحطي بدال الزيت ملعقة وحدة سمن نباتي أو زبدة وقبل ماتبدأين العجن حطي الدقيق وحطي عليه السمن أو الزبدة أو الزيت وابدئي افركيها مع الدقيق بأطراف أصابعك وارفعي على فوق علشان يتخلله الهوا

بعدين اجمعي باقي المقادير إلا الدقيق والزيت وحطيهم بالخلاط واخلطيهم زين وكل ماطولتي خلط تطلع العجينة أروع وبعدين أضيفهن على الدقيق واعجني وكثري العجن وارفعي العجينة على فوق واخبطيها بالزبدية حتى تحسين إن العجينة متماسكة وما تلتصق باليد ولا بالزبدية غطيها وخليها في مكان دافي وبعدين افرديها واحشيها واخبزيها يلا أنتظرك تصلحينها وعلميني إذا ضبطت معك وإذا أي استفسار أنا مستعدة

لكن الله يخليك ادعي إن الله يشفي صديقتي
سبحان الله وبحمده سبحان الله العظيم



اللهم ياحي ياقيوم انصر إخواننا في فلسطين


السلام عليكم الأخوات ما قصروا ما شاء الله عليهم وفعلا اذا كنتي في بداية الطبخ بتتعبين شوي بس ما عليه وأنا عن نفسي في البدايه تعبت كثير وبعدين الحمد لله ونفس مشكلتك العجينه تكون قاسيه وما تنفش زين بس مع التكرار تضبط وشوفي انا عندي قاعده الحاجه اللي ما تضبط معي أعيد وأكرر فيها حتى تضبط يعني الدعوه عناد ههههه بس والله جد بها الطريقه كل شي غصب عليه يضبط معك وانتي جربي وحاولي كذا مره وان شاء الله بتنجح معك والله يوفقك


الساعة الآن 01:18 .