مشكووووووووووور ين ما قصرتو الله يفتح قلوبكم لطاعته ان شاء الله وينولكم الي ببالكم على هالشهر الفضيل ويخليلكم كل من تغلون ان شاء الله ويفتح قلوبكم ازواجكم لطاعته ثم لمحبتكم قولو امين

طيب الحين
من ناحية الخبط واللبط والله ان العجينه تقول ارحميني الله يرحم والدينك وانا اقول معصي يالله بس هذا اولا
ثانيا
انا اشوف عجينة اهلي اذا حطو فيها زيت ما تنتفخ واذا بدلوه بزبده تصير تجنن كنها قطن شكلي بجرب الزبده بشوف شور زاهية الالوان وياولك اذا تطنز زوجي علي <<<<< ما قدرت لا على العجينه ولا على زوجها تقيوت عليك
طيب زاهية وش العجينه الي انتي تستخدمينها وكم مقدار الزبده

سؤال اذا تلصقت العجينه بيدي وحلفت ما تنزل مع اني حطيت يمكن عليها كليو طيحن <<< وتقولين ليش ما تضبط معي خخخخخ
هل هذا معناه اني مكثره زيت؟؟؟؟؟؟؟؟
فراوله ما شاء الله عليك الله يتقبل منك ان شاء الله رمضان وينولك الي ببالك

ما قصرتي بطبق تعاليمك بالحرف الواحد واشوف وش يصير وبعلمك
زوجي قبل كم يوم دخل علي وانا اعجن يقول مسكينه لا تتعبن نفسك خليني اجيب جاهز احسن
وانا اقول بنفسي طيب ان ماوريتك بسوي فطاير تغطي على فطاير خواتك وفطاير اهلي
لكن
طاح وجهي طحيه شينه لا وبعد العيد جاي الله يستر لا يطيح مره ثانيه واتوهق والله كيلو مكياج ما ينفع يغطي الفشيله الي بستمر معي الين العيد
السلام عليكم

العجينة لما تعجينينها خليها طرية ولا تكثرين عليها الطحين حتى لو تلصقت بيدك خليها تتخمر وبعد ما تتخمر حطي على صينية الفرد اللي راح تفردين عليها العجينة رشة طحين يعني اللي يغطيها بس لا تكثرين مرة يا دوب يغطيها بعدين خذي من العجينة المقدار اللي تبين تفردينه طبعا بعد ما تدهنين يدينك بالزيت وحطيها على الطحين المرشوش على الصينية طبعا الوجه اللي حطيتيها عليه راح يتغطى بالطحين ارفعيها ورشي شوية طحين ثانية ورجعيها مرة ثانية لصينية الفرد بس على الوجه اللي ما تغطى بالطحين وبكذا راح تكون مغلفة بالطحين وما راح تلصق او بدل هذي الطريقة حطيها على الصينية المرشوشة بالطحين ورشي على الوجه المقابل لك شوية طحين وافرديها عادي واحشيها

وبالنسبة لعجينتي مقاديرها طحين المقدار اللي يناسبك وملعقة كريمة خميرة وبيالة سكر ينخلطون مع بعض ثم تضيفين بيالة زيت وتعجنين باليد راح تكون مفتفتة بعدين اعجنيها بالموية لحد ما تنعجن بس لا تخلينها قاسية لا خليها مايلة لليونة يعني ما راح تقدرين تسوين منها كورة راح تكون لينة ولا تخافين لما تتبعين طريقتي في الفرد راح تتكور معك طبعا تترك حتى تتخمر ثم تفرد وتقطع وتحشى

وسامحيني على الشرح اتمنى يكون واضح

وبالعافية على قلوبكم
طيب فضلا لا امرا ابغى افضل عجينه جربتوها
وكانت كانها قطن بليونتها ومره منتفخه ولا الجاهز
ثنتين اعرفهم من اقاربي عجينتهم رووووووووووعه وعطوني المقادير بس ما ضبطت معي
بجرب عجاينكم وباطبق التعليمات الي اعطيتوني اياها
وان شاء الله تطلع معي حلوه واقهر زوجي فيها ههههههههه
خذي يا أختي هذي طريقة الأخت زاهية اللوان وأنا مجربتها تهبل تنفش مره وحلوه وطبعا المقدار كبير بس ممكن تقللينه أنا سويت ثلث المقدار واضفت له حبة بف باستري طلعت الفطاير رهيبه وان شاء الله تضبط معك
المقادير:
6 كاسات دقيق

كاس إلا ربع حليب بودرة

ملعقة كبييرة خميرة فورية

ملعقة صغيرة باكينغ باودر

ربع كاس زيت

ملعقتين سكر

نص ملعقة صغيرة ملح

كأس ماء
الطريقة :
تضعين كل المقادير بالكاس الخلاط إلا الدقيق واخلطيهم

زين ثم ضعي الخليط على الدقيق واعجني وإذا يحتاج إضافة مويه أو دقيق زيدي

ولما تطلع عندك عجينة متماسكة ثم أضيفي حبتين بف باستري إلى العجين


واعجنيها لما تحصلين على عجينة لينة ومتماسكة وما تلتصق باليد

وخليها في مكان دافي لما تختمر ثم افرديها واحشيها .

وصحة وهنا... لاتنسون تدعون لي


الساعة الآن 11:36 .