السلام عليكم ورحمة الله وبركاته

أنا رأيي إذ ا إنك تحضري الاشياء قبلها بيوم أو يومين ويكون يوم العزيمة بس لعمل الشوربة والأشياء اللي تحتاج قلي

فمثلاً السبرنغ رول احشيه ولفيه وحطيه في علب بلاستيك أو صحون ورق وحطيهم في الفريزر ، وكذلك المعجنات .

الشوربة ممكن تسلقي الدجاج واللحم من بدري ، يصير يوم العزيمة على العصر حطيها على النار وحطي معاها الخضار أو المعكرونة أو اللي ترغبيه

اللقيمات ما أدري أذا يتسوى قبل بليلة بس التشيزكيك ممكن تسويه قبل بليلة ,الجلي , المهلبية ,القطايف ممكن تحشيها وتحطيها في علب يصير بس يبغالها قلي يوم العزيمة.

وإذا في شي تاني اسالي واحنا حاضرين

والله يوفقك
طيب ابغى اانواع مظبوطه للتشيز كيك
ولقيمات مظبوطه
وحشوه سبرينغ رووول
مشكوره اختى سويت نوني ماقصرتي
التشيز كيك
هادي طريقة أمي الله يعطيها العافية

ست بيضات بحرارة الغرفة + ملعقة صغيرة فانيليا +2علب جبنة فلدفيا + كوب سكر

اول شي سوي الكرست علبتين بسكوت شاي مفتت اخلطي معاه نص كوب سكر ووربع كوب قرفة مطحونة ويخلط معاه زبدة حتى تحسي انه اختلط كله مع بعض وحطيه في الصينية واضغطيه عليه حتى تصير طبقة مستويه وحطيه في الفرن حق 10 دقايق حتى يصير لونه ذهبي

اضربي البيضات وملعقة فانيليا وكوب السكر مع بعض بالخلاط حتى يصير لونه ابيض بعدين ضيفي الجبنة واخلطيها

استني الكرست يبرد وبعدين حطي عليه الخليط وحطيه في الفرن حتى يتماسك ويصير كانه كيكة وذهبي مصفر (حلو الوصف )

الصلصة من فوق جيبي فروالة مجمدة حطيلها موية وسكر وخليها على نار هادئة حتى تطلع فقاقيع وتصير ثقيلة ولمن تبرد حطيها على التشيز كيك

ويبغاله تسويه من بدري عشان يتفاهم مع نفسه ( على قوله أمي )

وبالهنا والشفا
والله يختي انصحك بلقيمات الاخت توتو 018 تلاقينها في موضوعها (فطورنا اليوم ) والله انها رهيبه وتضبط من اول مره وماتشرب زيت كلش انتي جربيها وشوفي
مبارك عليكم الشهر يابنات حوااااااااااااااااااء
بالنسبه لتنظيم الوقت ...لازم تكون مقلياتك جاهزه بالفريزر
واللحوم مختارتها قبل بليله وحاطتها بالثلاجه عشان يذوب عنها الثلج
بالنسبه لي موظفه وما أوصل البيت الا 3 العصر
اوصي الشغاله بالتقطيع والسلق ..او عمل الحمسات ان كانت لحمه مفرومه او دجاج او لحم وانها تنزل مقدار من المقليات وتحطه بالثلاجه ..اذا كنتي ربه بيت ..ادخلي المطبخ من الساعه وحده بيكون مناسب
لما ادخل البيت على طول اعجن اللقيمات واتركها تخمر
ابدا اجهز الطبق الرئيسي ..ودائما افضل اللي يكون بالفرن
وابتعد عن المعجنات ..اذا كان الطبق الرئيسي ياخذ وقت
اعمل حلى سريع
على الساعه خمس اسوي العصيرات ووالقهوه والشاي وارتب الطاوله
بعدين اروح اصب اللقيمات واقلي المقليات
طبعا الكلام سهل ...بس في الشغل ركض وتخبط انا والشغاله لانها جديده مالها شهر عندي ومابعد تعرف اسلوبي في الطبخ وذوقي.
بالنسبه للقيمات انا اعليميه فيها ...بس السنه اخذت طريقه من زميلتي ..ماشاء الله ظبطت معاي
المقادير /
كاسين طحين الكويت
ملعقه حلى ممتلئه خميره فوريه مذابه في كاس ماء
تخلط مع بعض قد تحتاجين مقدار فنجان ماء اضافي
النتيجه عجينه لزجه متماسكه وثقيله اشوي فيها مطاطيه ...لفيها ببلاستك واتركيها مايقارب الساعتين
بعد ذلك اضيفي بيضه واحده ومقدار بياله من الحليب البوني السائل واخفقيها ...ممكن اضافه الزعفران والحبه السوداء عند الرغبه ...اتركيها تخمر حتى موعد القلي ......
سخني الزيت ..ولقميها بطريقتك ..بالنسبه لي ابلل يدي بالماء واخذها كور باصابعي وارميها بالزيت ..طبعا لابد من الاذان والاذناب ..بس اطنش
ملاحظة / عند الصب قللي الحراره وعند التحريك ارفعي الحراره ومهم ان الحراره تكون معقوله يعني وانتي تلقمين العجين تلاقين بعض الكور صار لونهم بني من تحت ..هذا معناه انك معليه على الزيت خليه يبرد اشوي وكملي العجين .
بالنسبه للدبس احنا اصحاب نخيل ويكون الدبس من نخيلنا او نخيل معارفنا كهدايا ...ومانشتريه عشان كذا مااقدر افيدك .
بالعافيه عليك ....وان شاء الله البنات يفيدونك بالباقي.
اللهم ان كان رزقى فى السماء فانزله
وان كان رزقى فى الارض فاخرجه
وان كان بعيدا فقربه
وان كان قريبا فيسره
وان كان ميسرا فبارك لى فيه ..
اللهم بارك لى في رزقى
" رب انى لما انزلت الى من خير فقير"


الساعة الآن 08:27 .