أخواتي الحبيبات أقرئي معاناتي مع الحمل واستفيدي ز

السلام عليكم ورحمة الله وبركاته كيف الحال إن شاء الله بخير والشهر مبارك علينا وعليكم إن شاء الله وكل عام وأنتم بخير

حبيت أرويلكم معاناتي مع الدوره والحمل الي دامت 3سنوات و3شهور المهم أنا دورتي ماهي منتظمه وكنت أكل منظم وإذا وقفته الدكتوره ماااااتنزل الدوره ولايحصل حمل وبعدين كنت أراجع في مستشفى التأمينات وأعطتني كلوميد قالت إن شاء الله الشهر الجاي حامل وبعدين تأخرت الدوره وفرحت ورحت طايره لزوجي أقوله جب التحليل المنزلي المهم طلع مافيه حمل وبعدين حللت دم ولافيه حمل قلت يمكن مابين وبعدين رحت للدكتوره وقلتله إني حللت ولاطلع حمل قالت نصلح أشعه وصلحت الأشعه وطلع فيه كيس فوق المبيض وحجمه 3في 4وضاق صدري وجلست أصيح المهم قال زوجي خلاص نروح لدكتوره ثانيه ومدحولي الدكتوره نعيمه أباالخيل عيادته أمام اليورمارشيه وبعدين دخلت عليه وكلي أمل فيها رحت له الساعه 9الصبح مع زوجي وهو رايح للدوام وتصدقون ولا خمس دقايق جلست عنده طبعا كان معي تقريرعن حالتي من المستشفى وبعدين قالت لازم تصلحين أشعه ملونه وزجك لازم يحلل وووووووطلعت من عنده وأنا كلي يأس وأصيح في الإنتظار وكانت فيه وحده تشكيلي عن حالته وأنا جالسه أصيح على :icon33:حالي ,انتظرالظهر يؤذن علشان يجي زوجي وجاء زوجي ورويت له القصه ولأنا العبرات ترقى وتنزل وضاقت بي الدنيا وش أسوي بها الكيس الي فيني كنا يوم خميس وقابل زوجي أخوياه وسأله واحد مافيه شي في الطريق وقاله زوجي القصه وقال أعرفلك دكتوره في مستوصف عادي جدا بس الدكتوره ماشاء الله شاطره المهم رحت للدكتوره ومعي التقريروكانت قمه في الذوق والأخلاق والتعامل الحسن وملتزمه وعطتني علاج وراح الكيس ولله الحمد والشكر المهم قالت نوقف المنظم نجرب تنزل الدوره وإلا لا المهم مانزلت ورجعت له مره ثاتيه وحلل زوجي وطلع عنده ضعف بسيط بس ممكن أني أحمل وبعدين سويت أشعه ملونه ولا حملت وبعدين سويت تحليل هرمون الحليب وطلع مرتفع عطتني علاج ورجع الحمد لله زين وعطتني كلوميد وقالت يمكن حمل هذا الشهر جت الدوره في موعدها ولكن خفيف ينزل لمدة 10أيام رحت وحللت دم طلع كاااااااعاده:( سالب وبعدين رحت للدكتوره وسوت لي أشعه وطلع فيه كيس 1في 2 وضاق صدري وانهرت بالبكاء:icon33: ولجأت إلى الله أرجوه الشفء وبعدين عطتني شي ينزل الدوره وبعدين نزلت وراح الكيس والحمد لله قالت الدكتوره أنتي يبغالك متابعه إذاأكلتي كلوميد وعطتني إياه وصرت أروح للمستشفى كل يومين وبعدين سوت لي إبره تفجيريه قالت يمكن حمل ولاحملت وتعرفون الصدمه كيف تصير إذا صار فيه أمل قال زوجي الحمد لله تذكري إن الكيس راح والحمل ربي ماكتب المهم وحده من صديقاتي قالت ليش ماتأكلين الحبه السوداء لأن شغالت أهلي متزوجه له سنتين وبعدين شافت أهلي يأكلون الحبه السوداء وقالت ممكن يامدام أنا أكل وليش تأكلونه قالت أنه فضيل ذكر عن الرسول صلى الله عليه وسلم المهم الشغاله جته الدوره بإنتظام وقالت يامدام أنا أبغى أروح يمكن أنا حمل وبعدين حملت وجابت ولد وقلت لزوجي قال أخاف نعيد العلاج من جديد قلت نجرب تركت المنظم واكلت الحبه السوداء وجت الدوره ولله الحمد في موعدها وفرحت وشكرت الله على ذلك المهم سافرنا في الصيف إلى بلد ممنوع الدخول بأعشاب أو أكل المهم سافرنا ولاأخذت الحبه السوداء وتأخرت الدوره قال زوجي أنا عارف ماهو من الحبه السوداء أكيد صدفه وبعدين رجعنا قلت لزوجي ودي أحلل قال أصبري 15 يوم بعدين نحلل ماصبرت بعد 10 أيام حللت ورحنا نتغدى علشان ماعندنا مقاضي تونا جايين من السفر وبعد ساعه اتصل زوجي وقالوله موجب قال زوجي يعني ايش من الفرحه بالموجب مايدري وش معناه المهم قال مبروك حامل:icon28::icon28: وبكينا من الفرح وطلعنا ماأكلناشي وأنا ألآن ولدت ورزقني الله ببنوته حلوه الله يسخرها لوالديها ويصلحها ويهديها ويجعلها ربي من عباده الصالحين آآآآآآآمين يااااااااارب ,وإن شاء الله مثل مارزقني ربي أرجو من الله يرزق جميع المحرمين ...........وأرجو من أخواتي القاراءات أن يدعون لصديقتي صاحبة الحبة السوداء بالدعاء لها بظهر الغيب بالذريه الصالحه لأنه لها 6 سنوات متزوجه ولا حملت