اريد الطلاق

اسعد الله مساءكم
تزوجت من شخص واكتشفت بعد الزواج انه مريض بالتصلب اللويحي وانجبت منه بنت
مااستعجلت وصبرت واعتبرته مريض عادي مثل السكر او الضغط وكلنا معرضين للامراض باي وقت
لكن الان بعد سنتين اكتشفت انه هالمرض هو سبب كل مشاكلنا
ماراح تصدقون نفسيته جدا جدا سيئه على طول الخط ومحطم وكاره الدنيا واحس اني عدوته مو زوجته حاقد علي للدرجه ماتتخيلون وحياتي معه حرب كانه يعاقبني لانه مريض كأني انا السبب
يعتبرني مثل الخدامه مابيني وبينه حياه تشاركيه ولا نقاش
الطلعات والمشاوير بالحسره لانه يتعب بسرعه
العلاقه الخاصه ماله رغبه بس تأديت واجب
من الاخر مايحتاج وجود مرأه في حياته
بس المهم عنده اني اربي البنت في وجود الام والاب
ماادري محتاره ايش الحل اريد الطلاق لاني مااني مستفيده من وجوده مجرد اسم رجل حتى المصروف انا مستقله بمصروفي بس هالبنت كاسره خاطري