دورة المحاشي والاكلات المصرية ... ( للمناقشه )

السلام عليكم ورحمة الله وبركاته


المحشي من اهم الاكلات العربية وهو صنف محبوب للصغار والكبار وكل بلد لها طريقتها في عمله
وتشتهر كل بلد باكلات خاصة بها
ومن اشهر الاطباق المصرية الطعمية والكشري والملوخيه والكشك والخبيزة وغيرهم


رابط خاص بالدروس

http://forum.hawaaworld.com/showthread.php?t=3492470


رابط التطبيقات

http://forum.hawaaworld.com/showthread.php?t=3492990

نبدا بالمحشي
بسم الله الرحمن الرحيم
اولا خلطة المحشي : بصل مبشور (بصلة متوسطة ) - 2كوب رز مصري -طماطم (نص كيلو او اكتر شوية )صلصة -شبت وبقدونس( ملء كوب )-ملح وفلفل -نعناع جاف( ملعقة )
اجيب وعاء واحط كمية زيت قليلة واقلب البصل للاصفرار

واضيف الطماطم المعصورة ولما تتصلص الطماطم يعني تطخن اضيف الرز مغسول واقلب واطفي النار

اضيف الشبت والبقدونس والنعناع والصلصة والملح واقلب واتركهم يبردوا

وده شكلها



محشي الباذنجان
ااضغط بيدي علي الباذنجان واحركه فوق الرخامة لحد لما يطري علشان يسهل التقوير

اشيل العنق بشكل متساوي

ادخل المقوار من كل الاجناب والفه لحد لما اطلع القلب بشكل متساوي والف المقوار بدون ضغط علشان ماتنقطعش مني


امسك الباذنجان بيدي الشمال وابدا احط الحشوة بيدي اليمين واضغط باصبعي لتخيل الحشوة لحد لما املاها

بعد الحشو اراعي ان الرز لما بيستوي بيتمدد يعني لازم ماتكون الباذنجانة مليانة لاخرها اذن فبع الحشو ادوس باصابعي واضغط شوية اخرج الذيادة زي الصورة كدة