تابع الجزء الاخير
( 9)
بعد طلاقي جلست 12سنه
راحت من عمري اصارع الحزن
واصارع رغبتي في الزواج للمره الثانيه
وعندما وصلت لقمة الحزن
ذهبت لراقيه امرأه وهذي اول مره اروح لراقيه
شكوت لها حالي وما اصابني
كنت احتاج منها التثبيت وبكيت عندها بكاء مر
وتاثر من حولها لبكائي
قالت لي مافيك سحر ولا مسى
انتي تعانين من كبت نفسي من الصدمات اللي مرت عليك
وطلاقك كان قوي عليك انهرتي عنده
كنت معلقه عليه امالك
لازم تروحين طبيب نفسي انا اعرفه واثق فيه واتعامل معه حتى بنتي تروح له متفهم لمثل حالتك
رحت لهذا الطبيب وتكلمت معه بكل صدق
وقلت له اكثر ما اوجعني طلاقي
احس بظلمه وتخليه عني وقت حاجتي
طلقني وانا ما اكتفيت منه ولا قصرت في خدمته
كان يخدعني بمعسول لسانه حتى حبيته
وهو يبطن خلفه شكه وظنونه ..
اوجعني تخليه عن بنته
او جعني رميه لعفشي عند مدخل البيت ..
ماتركني اجمعه بنفسي حفاظ على كرامتي
ماتركني اودع بيتي ابي اشوفه النظره الاخيره وابي اشوف طليقي وقول له ..ليش ظلمتني
بكيت بشده عند اطبيب حتى شعرت بالإغماء فطلب مني اغسل وجهي بالماء وارتاح
عطاني نصايح وارشادات
طبقتها مع التضرع الي الله ورتحت وتناسيت طليقي
احساسي باني ما استمتعت في زواجي وحاجتي لزوج وبيت واسره وانجب اخوان واخوات لبنتي كان يسيطر على تفكير ..خلاني افكر في الزواج
كان يجيني خطاب من معارفي او معرفه جديده
او زميله مايحصل نصيب وجاني احباط
وفي رمضان العام الماضي لازمت الاستغفار
وقول لا اله الا الله وحده لاشريك له ..له الملك وله الحمد وهو على كل شي قدير...
ودعيت ربي في التراويح بقلب خاشع صادق محتاج وتحريت ليلة القدر
وقلت يارب انت تعلم بحالي وحاجتي ارزقني من عندك زوج خيراً يسعد قلبي ويعوضني عن حرماني عاجل غير اجل
بعد ثلاثه شهور جات صديقتي وقالت صديق زوجي يبي يتزوج وذكرتك لزوجي يعلم صديقه
وموصفات رجل ونعم فيه
مارديت عليهم بالموافقه او الرفض لاول مره اترك الموضوع بدون تحمس ولا تفكير
وكانت تكرر علي صديقتي نسيتي الموضوع لك شهر ما رديتي والرجال ينتظر ردك
عطيتها رقم ابوي وقلت خليه يجي
واللي كاتبه ربي يصير..
جانا وخطبني وبعد السؤال وافقت عليه وشفته في النظره الشرعيه وحسيت براحه و اني اعرفه من زمان
ورحت انا وبنتي اسوي تحليل الزواج
وبنتي تقول يمه صدق بتتزوجي ..قلت اهم شي انتي اذا ما وفقتي رفضت الزواج قالت انا موافقه
وحظنتها وانا واضحك
تذكرت يوم اروح اسوي تحليل الزواج قبل 12 سنه ولان رجعت اصلح تحليل الزواج ومعاي بنتي
تحددت الملكه ورجعت للخلف 12 سنه
جاء المملك والعريس وطلب مني اخوي صك الطلاق الاصلي عشان الشيخ يملكني
نسيت موضع صك الطلاق وجلست ادوره
في كل مكان حتى لقيته وقال اخوي بحماس وضيقه
اخيرا لقينا ورقت طلاق فلان الزفت ولخيبه عليه...
تدرون ان بعد طلاقي تركت الصك في المحكه خمس سنوات ما استلمته....
ما ابي اشوفه ابدا وازيد اوجاعي
جابو لي دفتر الملاك اوقع عليه بالموافقه وقعت عليه كأني جالسه اغسل الامي
جهز لكنبه اللي بجلس عليها وحطيت عليها قماش ابيض من الدانتيل والشموع
وكاسات من الكرستال لشرب العصير
البساطه كانت جميله ولاجمل اني مرتاحه وانا اجهز كل شي.. واختي احضرت الكيكه مكتوب عليها اسمي واسمه فرحتي كانت حقيقيه ..
رحت للكوافيره وكان مكياجي من اجمال شي وفستاني ناعم ورائع ...
ماعزمت احد واستمتع انا واهلي وابوي وامي ورقصنا وضحكنا وكل شي كان من اجمل شي
بعد شهرين تحدد زواجي
قامو اخواتي جهزو لي كوشه في البيت من الورود والتحف والكيكه والعصير وانا كنت عند الكوفيره اتجهز رجعت وتفاجئت
عزمت بعض صديقاتي المقربات
وصديقتي اللي خطبتني له
دخلت لقيتهم جو قبلي وجالسين
طليت عليهم وانا متغطيه وقلت انا عروسه
محد يشوفني لين اجهز
رحت لبست فستان اوف وايت ساده بذيل مشبوك من
الاكتاف ومزين بالكرستال ونسيت اشتري جزمه تناسبه ولبست جزمه مقطوعه امشي وتنفسخ من رجلي اخر شي رميتها ومشيت حافيه
شغلت اختي الزفه وقالت ادخلي ..
دخلت عليهم وقامو يزغرتون ويرقصون وبنتي ماسكه طرف طرحتي تزفني
يوم شفت الجميع يرقص قمت افحط وارقص معاهم وقلبناها رقص وركض وهبال
قالو لي ركدي انتي عروسه لاتخربين برستيجك ..
نسيت رجعت امشي بشويش واجلس على الكوشه
بعد ماتعشينا وعينا من الله خير ورقصنا وضحكنا
قال المعرس ادخل قلت اصبر نشغل لك زفه
يوم دخل شغلنا له زفه وجلس جنبي مبسوط ويسولف وقلبناها سوالف كم ساعه
بعدين رحنا لبيتنا ولبست الجزمه
المقطوعه يوم طلعت الدرج فصخت جزمتي بسرعه وطلعت اركض لايشوفني المعرس
لقيته رجال بسيط وغير معقد
وكنت اجلس معه واسولف واضحك كاني اعرفه من زمان وهو نفس الشي حسيت براحه معه
وهذا زوجي الحقيقي
الله يكتب لنا السعاده ولاستمرار والذريه الصالح
انتهى
الخلاصه
لازم نقتل احزاننا بضحكه
ونعرف ان عمرنا قصير لانضيعها بين احزاننا وهمومنا
واذا ربي اذا كتب النصيب ساقه لكم سوق لا يرده مس ولا سحر ولا عين
ولا نترك الدعاء ونستسلم
ملاحظه
اتمنى تكتبون وش استفدتو من القصه وش غيرت في حياتكم
دعواتكم لي بتوفيق والذريه الصالحه ويصلح بنتي
وبشفاء والدي وولدتي وزواج اخوتي
( 9)
بعد طلاقي جلست 12سنه
راحت من عمري اصارع الحزن
واصارع رغبتي في الزواج للمره الثانيه
وعندما وصلت لقمة الحزن
ذهبت لراقيه امرأه وهذي اول مره اروح لراقيه
شكوت لها حالي وما اصابني
كنت احتاج منها التثبيت وبكيت عندها بكاء مر
وتاثر من حولها لبكائي
قالت لي مافيك سحر ولا مسى
انتي تعانين من كبت نفسي من الصدمات اللي مرت عليك
وطلاقك كان قوي عليك انهرتي عنده
كنت معلقه عليه امالك
لازم تروحين طبيب نفسي انا اعرفه واثق فيه واتعامل معه حتى بنتي تروح له متفهم لمثل حالتك
رحت لهذا الطبيب وتكلمت معه بكل صدق
وقلت له اكثر ما اوجعني طلاقي
احس بظلمه وتخليه عني وقت حاجتي
طلقني وانا ما اكتفيت منه ولا قصرت في خدمته
كان يخدعني بمعسول لسانه حتى حبيته
وهو يبطن خلفه شكه وظنونه ..
اوجعني تخليه عن بنته
او جعني رميه لعفشي عند مدخل البيت ..
ماتركني اجمعه بنفسي حفاظ على كرامتي
ماتركني اودع بيتي ابي اشوفه النظره الاخيره وابي اشوف طليقي وقول له ..ليش ظلمتني
بكيت بشده عند اطبيب حتى شعرت بالإغماء فطلب مني اغسل وجهي بالماء وارتاح
عطاني نصايح وارشادات
طبقتها مع التضرع الي الله ورتحت وتناسيت طليقي
احساسي باني ما استمتعت في زواجي وحاجتي لزوج وبيت واسره وانجب اخوان واخوات لبنتي كان يسيطر على تفكير ..خلاني افكر في الزواج
كان يجيني خطاب من معارفي او معرفه جديده
او زميله مايحصل نصيب وجاني احباط
وفي رمضان العام الماضي لازمت الاستغفار
وقول لا اله الا الله وحده لاشريك له ..له الملك وله الحمد وهو على كل شي قدير...
ودعيت ربي في التراويح بقلب خاشع صادق محتاج وتحريت ليلة القدر
وقلت يارب انت تعلم بحالي وحاجتي ارزقني من عندك زوج خيراً يسعد قلبي ويعوضني عن حرماني عاجل غير اجل
بعد ثلاثه شهور جات صديقتي وقالت صديق زوجي يبي يتزوج وذكرتك لزوجي يعلم صديقه
وموصفات رجل ونعم فيه
مارديت عليهم بالموافقه او الرفض لاول مره اترك الموضوع بدون تحمس ولا تفكير
وكانت تكرر علي صديقتي نسيتي الموضوع لك شهر ما رديتي والرجال ينتظر ردك
عطيتها رقم ابوي وقلت خليه يجي
واللي كاتبه ربي يصير..
جانا وخطبني وبعد السؤال وافقت عليه وشفته في النظره الشرعيه وحسيت براحه و اني اعرفه من زمان
ورحت انا وبنتي اسوي تحليل الزواج
وبنتي تقول يمه صدق بتتزوجي ..قلت اهم شي انتي اذا ما وفقتي رفضت الزواج قالت انا موافقه
وحظنتها وانا واضحك
تذكرت يوم اروح اسوي تحليل الزواج قبل 12 سنه ولان رجعت اصلح تحليل الزواج ومعاي بنتي
تحددت الملكه ورجعت للخلف 12 سنه
جاء المملك والعريس وطلب مني اخوي صك الطلاق الاصلي عشان الشيخ يملكني
نسيت موضع صك الطلاق وجلست ادوره
في كل مكان حتى لقيته وقال اخوي بحماس وضيقه
اخيرا لقينا ورقت طلاق فلان الزفت ولخيبه عليه...
تدرون ان بعد طلاقي تركت الصك في المحكه خمس سنوات ما استلمته....
ما ابي اشوفه ابدا وازيد اوجاعي
جابو لي دفتر الملاك اوقع عليه بالموافقه وقعت عليه كأني جالسه اغسل الامي
جهز لكنبه اللي بجلس عليها وحطيت عليها قماش ابيض من الدانتيل والشموع
وكاسات من الكرستال لشرب العصير
البساطه كانت جميله ولاجمل اني مرتاحه وانا اجهز كل شي.. واختي احضرت الكيكه مكتوب عليها اسمي واسمه فرحتي كانت حقيقيه ..
رحت للكوافيره وكان مكياجي من اجمال شي وفستاني ناعم ورائع ...
ماعزمت احد واستمتع انا واهلي وابوي وامي ورقصنا وضحكنا وكل شي كان من اجمل شي
بعد شهرين تحدد زواجي
قامو اخواتي جهزو لي كوشه في البيت من الورود والتحف والكيكه والعصير وانا كنت عند الكوفيره اتجهز رجعت وتفاجئت
عزمت بعض صديقاتي المقربات
وصديقتي اللي خطبتني له
دخلت لقيتهم جو قبلي وجالسين
طليت عليهم وانا متغطيه وقلت انا عروسه
محد يشوفني لين اجهز
رحت لبست فستان اوف وايت ساده بذيل مشبوك من
الاكتاف ومزين بالكرستال ونسيت اشتري جزمه تناسبه ولبست جزمه مقطوعه امشي وتنفسخ من رجلي اخر شي رميتها ومشيت حافيه
شغلت اختي الزفه وقالت ادخلي ..
دخلت عليهم وقامو يزغرتون ويرقصون وبنتي ماسكه طرف طرحتي تزفني
يوم شفت الجميع يرقص قمت افحط وارقص معاهم وقلبناها رقص وركض وهبال
قالو لي ركدي انتي عروسه لاتخربين برستيجك ..
نسيت رجعت امشي بشويش واجلس على الكوشه
بعد ماتعشينا وعينا من الله خير ورقصنا وضحكنا
قال المعرس ادخل قلت اصبر نشغل لك زفه
يوم دخل شغلنا له زفه وجلس جنبي مبسوط ويسولف وقلبناها سوالف كم ساعه
بعدين رحنا لبيتنا ولبست الجزمه
المقطوعه يوم طلعت الدرج فصخت جزمتي بسرعه وطلعت اركض لايشوفني المعرس
لقيته رجال بسيط وغير معقد
وكنت اجلس معه واسولف واضحك كاني اعرفه من زمان وهو نفس الشي حسيت براحه معه
وهذا زوجي الحقيقي
الله يكتب لنا السعاده ولاستمرار والذريه الصالح
انتهى
الخلاصه
لازم نقتل احزاننا بضحكه
ونعرف ان عمرنا قصير لانضيعها بين احزاننا وهمومنا
واذا ربي اذا كتب النصيب ساقه لكم سوق لا يرده مس ولا سحر ولا عين
ولا نترك الدعاء ونستسلم
ملاحظه
اتمنى تكتبون وش استفدتو من القصه وش غيرت في حياتكم
دعواتكم لي بتوفيق والذريه الصالحه ويصلح بنتي
وبشفاء والدي وولدتي وزواج اخوتي
قصة رائعه عطتني امل
انتظر الحمل من خمس سنين
والحمدلله فعلا الرزق لا جا مايصده شي والله كريم
انتظر الحمل من خمس سنين
والحمدلله فعلا الرزق لا جا مايصده شي والله كريم
قصه مره وحلوه بنفس الوقت
الله يسعدك ويفرح قليبك باللي تتمنينه ويفرج همك ويحفظ لك زوجك وبنتك ويشفي والدينك ويزوج خواتك يارب العالمين ❤️
الله يسعدك ويفرح قليبك باللي تتمنينه ويفرج همك ويحفظ لك زوجك وبنتك ويشفي والدينك ويزوج خواتك يارب العالمين ❤️
الصفحة الأخيرة
المؤمن مبتلى وهذا إلي تمرين فيه أكبر دليل على إيمانك
الله يسددك