هنا قصتي باختصار

خواتي وحبيباتي والله اني ادعيلكم بظهر الغيب وخاصه بعض العضوات اللي اعرفهم
المهم البعض يعرفني هنا ومشاكلي كثيره
عملت حقن مجهري3مرات نجحت مره والحمدلله وفي كل عمليه اواجهه مشكله قله العدد بالبويضات
السبب الرئيسي هو ضعف الحركه عند زوجي
المهم في العمليه الرابعه ماطلع غير بويضتين. تحطمت جدا جدا و كنت مع البنات في التجمع المقبلات على الحقن المجهري البعض يصبرني والبعض قال خيره
خرجت من عند الدكتور واناضايقه فيني الوسيعه ودمعتي على خدي بمعنى كلامه ارضي بولدك وخلاص صعب تعملي بهالعدد
قلت طيب تلقيح صناعي قال ماهو لازم لأنه زي الجماع الطبيعي قهههههرني ماهتم وقال خذي الابره التفجيريه 5000 بعد بكره. مستهتر
مااستسلمت قلت ماراح اضيع التعب رحت لدكتور ه وشرحت لها معاناتي وكملت معاها وغيرت الابره التفجيريه 10000 وسويت التلقيح الصناعي والله يا بنات ماشاء الله تبارك الله
قواوا ماشاء الله
صار حمل والحمدلله وكنت اسيا ثقيل ماتوقعت يحصل حمل

بعدها بشهر كششششفت وكان جنينين وقالت واحد وقفه نموه
والثاني
منسدح جنبي الان ماشاء الله والحمدلله على تمام النعمه واكتمال المنه اللهم لك الحمد حمدا يليق ببجلالك
لحد يجي ويقولك التلقيح الصناعي زي الجماع لا والله
صح نفس الطريقه لكن فيه تنشيط لعينه الزوج من حيث الحركه
ذكرت قصتي لاني مادخل الان لهذا التجمع لكن حبيت اعطي فكره واضحه للبنات


تعبت فالعمليات لكن الوحده ماتدري وين الله كاتب لها الخير
ماكنت اتوقع ينجح لاني واجهت فشل فالانابيب
دعواتكم لي بالتوفيق في حياتي وشكرا لكم على القراءه