اهلا اهلااا
ي صباح الخيرات والمسرات وحشتونى ووحشنى القروب وسوالف الاطفال الله يحفظهم


اعتذر عن الانقطاع سافرت خارج المملكه وانشغلت قبل السفر للتجهيز وبعد السفره ف تطعيم الشيخ لانى قبل م اسافر مريتهم قلت طعموه قالو ممنوع قبل التطعيمه بيوم لكن مافي مشاكل تأخرينها واخرتها 16 يوم والحمد لله عدت


فضل من الله انى مشيت وراي رايي واخذت ولدي معاي تحت عينى ولا افكر فيه واجد ومهتمه فيه ولله الحمد واستفدت من هالروحه بتنظيمات معينه له عدلت من طبعه
اولها كنت اعانى (قبل السفر) من تقارب رضعاته كل ماصاح حطيت الرضعه ب فمه
في السفر لا اغلب الوقت طالعين والا ف السياره ف مع الهزهزه ينام ولا يصيح يبي رضعه والحمد لله بعض الاحيان نوصل ل 5 ساعات بدون رضعه ..
الان بعد مارجعت طالت المده بين رضعاته ف النهار 3:30 وف الليل توصل ل 4:40 واحيانا 5 ساعات
قبل لا اسافر كان وجهه متشقق من الاكزيما وعطانى الدكتور كريم بيثانين للترطيب واستمريت عليه اسبوع بينه وبين الفازلبن الطبي ولا فاد
مجرد ماسافرت لان الجو بارد اكتفيت ب الفازلين اختفت الاكزيما تماما ولا صار لها اي اثر يعنى الحر هو مسببها بدليل يوم رجعت ثالث يوم رجعت له😓😓
اعتمدت ع عربيه دونا اللي تتحرل لكارست فما صرت اشيله كثير بس ياويلنا اذا وقفنا لازم في هزهزه


قبل السفر ماكان يرغب بولا مصاصه جنني شريت 8 انواع له ولا وحده حبهاااا
ولما سافرت اخذت نوعين وكنت احطها واترك يدي عليهااا لحد ماحب وحده من بيجون والحمد لله ع نعمه المصاصه تساعد ف تطويل مده الرضعه وتفكك من صياحه فتره
ما اخذت معاي ادويه كثير فقط ادول قلت لو ارتفعت الحراره وقطره فستيل اعتقد كذا اسمها ما اعطيه الا اذا حسيت بكاه من مغص
والدكتور وصف لي بيبي ووتر (ماء الطفل) نفس تركيبه ماء غريب الحمد لله ولقيته صرت احط له 2 مل ف رضعة الليل قبل النوم تريحه ف نومته واذا في غازات تطلعها ولا استخدمت قطره الفستيل كثير لان ما غريب ماشي معاه
حاولت انظم لبسه ف السفره جبت اكياس اللي تتقفل من فوق بعدد الايام وحطيت جوا كل كيس برباتوز الكامل للنوم وبرباتوز الطلعه و5 بامبرز وبارباتوز الابيض الداخلي وشراب وقبعه يوميا ف الصباح اطلع الكيس والبسه لبس الطلعه والبامبرز معاي واخر الليل لبس النوم ف كنت مرتبه نفسي ما اندوش ف لبسه
طبعا كل لبسه برباتوزات ماماز وباباز وسنتر بوينت ماجبت له شي كشخه لانه ف العربيه وملفوف
المهاد العادي ورباطه خليته لنومه الليل وجبت معاي 6 مهادات مع حبلين
لكن ولدي مايعرف ينام الا اذا مهدته وصعب اربطه وانا طالعه كل شوى ف جبت المهاد الجاهز اللي فيه زي التشك شك😂😂 ما ادرى ش اسمع من سنتر بوينت بس احطه جوا واسكر المهاد ويرتاح


وبعد ي رب عسى مانسيت شي الحمد لله الان صار يضحك اذا حاكيتيه ويعصب اذا ما احد كلمه يجننا اذا تركناه
بس صرت ارفض ينشال اتركه ف الارض يصيح لحد ما يرضى ممنوع الشيل لانه اتعبنى


وطعمته ثانى يوم من الوصول عطيته ادول قبل التطعيمه ب نص ساعه ولا حطيت لا كمادات ولا شي تركته ابيه جسمه يتعود والحمد لله عدت


طبعا ولدي من تم عشرين يوم تقريبا بعد الولاده لاحظت انه دايم اسهال وانتم بكرامه ولا قلت للدكتور ب اخر زياره قبل السفر راح عن بالي وبالسفر عانيت منه لانى احب اغسله بماء الصنبور مع صابون جونسون الازرق (ولاعانيت من الطفح بسبب التنظيف) انظف له ف صار مره باليوم يتبرز اسهال سائل جدا طبعا معاي ف الشنطه قفاز وصابون جونسون مينى متوفر بالصيدليه وكيس البامبرز
لما رجعت ف كشفيه التطعيمه بلغنا الدكتور وغير حليبه ل رونالاك الاخضر الخالي من اللاكتوز بس علبه وحده مجرد ماينتهى نرجع لحليبه العادي
امس تبرز وبرضه اسهال لكن ممكن الايام القادمه يتعدل
لاحظت الان ان لعابه كاثر ولا اعرف السبب ممكن لانه يحط يده ب فمه الان
بالنسبه للبطن الحمد لله رجع بطنى تماما وهذا فضل الله ثم فضل المشدات اللي ما اتركها مع ان وزنى الى الان مانزل 75 😭😭😭😭
بس مالي بطن تماما احس الوزن رايح ف الفخوذ اكثر وكتوفي شوى عكس ولادات بناتى بطنى كبير وطايح لانى ما التزم بالمشد طبعا ولا يوم تركته
الان صرت البس مشد نعومى اعجبنى وشكرا للي نصحتنى نفس المشد اللي كنت استخدمه وانقطع من السوق طبعا ماغيرت لون شعرى بعد النفاس 😂 نفسه ما احب التغيير الجذرى بس جددت الصبغه وبشرة وجهى بعد السفر لازالت حلوه لانى التزمت بالواقي بس يدينى حدث ولا حرج الصباح قيها واقي لكن مع الغسيل وغسيل الصغير انسى احط واقي مره ثانى وصار لون الكفوف فق اسووووووود والذراع لا فاتح زي ماهو
بعد مارجعت جبت كريم البيجانور يعدل اخطاء السفر ويرجع اللون الاصلي
ايش ي ربي اي صح الان رجعت للدوام بكره بإذن الله اداوم 😭😭 وخدامتى بتسافر والجديده مابعد وصلت وحتى لو وصلت ماودي اترك ولدي عندها وانا ما اعرفها
بسجله بكره ب حضانه اريح لنفسي واضمن بختار له سرير من اسرتهم عشان اوفر المفارش الخاصه فيه واجيب رضاعاته ما ودي يتخربط مع مفارش الاطفال بشرته حساسه وبتكون بنفس مدرسه خواته عشان يكون دربهم واحد
وبس هذي اخبارى واخر تطوراتى واللي صار معاي
وعقبال مانفرح فيهم معاريس

صح بالنسبه للشعر انا حلقت له ولا طال الان ي دوب بدا يطلع وشكله مطوول ابن الحلال وطلعت له القشره حاولت اشيلها امشطها مع ان نافي شعر ويوميا احط له زيت زيتون ولا تحركت لاصقه مره وقبل ما اسافر نصحونى بشامبر مستيلا لحالات قلنسوه الراس
بدت تتقشر شوى شوى لكن الى الان موجوده طبعا القبعه ماتطيح من راسه الا اذا كنا لحالنا انا وياه😂
قالي امس الصيدلي حطي عليها زيت الاطفال تنشال مع الشامبو وبجربها هالاسبوع
طبعا ولدي ماينام نومه مريحه ويفكنى من ازعاجه ف الليل الا اذا سبحته ف اعتمدت تسبيحه يوم ايه ويوم لا اريح وانظف له
اي وراسه لا زال طووووووويل بس 😂😂😭 مع النوم جهه تعدلت وجه استغفر الله طويله مخفوس من جهه
حاولت اعدل راسه بالنوم مايحب ينام الا وجهه يسار اتعبنى معاه اذا عدلته يبكى
الخميس توصل المخده الثلاثيه بإذن الله تعدل ذا الراس لانه مع القرعه صارت واااااضحه

جزاك الله خيرا منى على الردود..
ابدئي بالكوسة بدل الجزر لانها خفيفة

ماشاء الله عليك رتبتِ امورك بشكل جميل ماشاء الله.
والحمدلله ان السفر فادك بحياتك مع ولدك.

فعلا الاكزيما تزيد بالحر...

وكثرت اللعاب طبيعي تزيد استعداد لمرحلة التسنين

الحمدلله اهم شي تستانسين وتعدلت النفسية بالنسبة للراس نفس وضعي 🤭

اعرفي أكثر على عالم حواء: https://www.hawaaworld.com/%F0%9F%8D%BC%F0%9F%91%BC_%D8%AA%D8%AC%D9%85%D8%B9_%D8%A3%D9%85%D9%87%D8%A7%D8%AA_%D9%85%D9%88%D8%A7%D9%84%D9%8A%D8%AF_%D9%85%D8%A7%D9%8A%D9%88_%D9%88%D9%8A%D9%88%D9%86%D9%8A%D9%88_2018_%F0%9F%91%BC%F0%9F%8D%BC-4747920/page/134/?posted=1#post96744772